5 PARCS DA D’ISTÉ
32 KM2 AREA PARCS DA D’ISTÉ
3 PARCS DA D’INVERN
5 PISTES SPEZIALES

CO É PA NASCIÜDA L’IDEA DE MOVIMËNT?

N’IDEA ISPIRADA DALA NATÖRA

Andy Varallo, ideadú dl proiet Movimënt y diretur dl Consorz Skicarosello, nes cunta sciöche chësta area dedicada al sport, devertimënt y relax é nasciüda.

„L’idea de Movimënt é nasciüda dan da n valgügn agn, tratan che i jô a spazier sön Piz La Ila da d’aisciöda, devers dla fin de ma. Al ê na calma ireala y al m’ê gnü da ponsé che d’isté, ciamó deplü co d’invern, ê l’altöra danter La Ila, Corvara, San Ciascian y Pralongiá, zënza desmentié le Boé, le post ideal por se gode la belëza dles Dolomites. Al é n post unich por fá ativités sportives, por fá la blëita, devertí y relassé gragn y pici.“.

Movimënt, propi sciöche la parora instëssa dij, ne s’archita mai. Vigni ann él tröpes novités, sides d’isté co d’invern!


Deplü sot a www.moviment.it!

ISTÉ
MOVIMËNT

N’OASA DE BËGNESTER TL CÖR DL’ALTA BADIA

Devertimënt, sport, natöra y relax: chëstes parores descrí avisa l’esperiënza ti parcs Movimënt tl cör dl’Alta Badia. L’area a 2.000 m d’altëza vára da arjunje saurí cun i implanc portamunt y é le dërt post por chi che á vëia da se gode n’esperiënza de bëgnester deboriada cun döta la familia.

Jüc, ativités por mituns y adulc, posć por se relassé y se sintí en simbiosa cun la natöra plü pura. N monn unich che mët adöm le plajëi da se möie defora al’aria cun momënc de devertimënt y buna vëia, döt chësc incornijé dala belëza y dala atmosfera dles Dolomites, patrimone dl’umanité UNESCO.

INVERN
MOVIMËNT

ESTE ARJIGNÉ POR L’ESPERIËNZA MOVIMËNT?

N’esperiënza emozionanta, che danter l’adrenalina da jí coi schi, les munts da nëi y momënc de relax pur, te fajará sintí na sensaziun de liberté totala. Les pistes dl’Alta Badia, tl cör dles Dolomites, arjignades ca vigni nöt ala perfeziun da 40 iac dala nëi, é le post ideal por cherié otes perfetes cun tü schi y to snowboard.

Mo chësc n’é nia döt... te podaras fá deplü co jí coi schi, y vire dis unics ala descurida dles tröpes atraziuns Movimënt cun döta la familia. Salc, rails, tuní de nëi, desfides a dui danter i pa da gara, slalom cronometrá y video tuc sö, mo ince implanc portamunt moderns y asvelc, punc panoramics y tröpes üties olache i podëis ciarcé spëises delizioses – chëstes é les condiziuns ideales por rové ala fin dl de implis de ligrëza y buna löna.